Kryeministri i Kosovës, Albin Kurti, ka thënë se krimi dhe grupet kriminale nuk do të tolerohen dhe do të luftohen.

Ai këtë e ka thënë se pas një aksioni që Policia e Kosovës ka ndërmarrë sot kudër krimit e kontrabandë së mallarve në disa qytete të Kosovës.

Kurti u ka bërë thirrje qytetarëve të komunave veriore të Mitrovicës të mos bien pre e disa mediave serbe që po mbrojnë krimin atje.

Postimi i plotë:
Aksion i Policisë kundër krimit e kontrabandës në Prishtinë, Pejë dhe në veri e jug të Mitrovicës
Herët në mëngjesin e sotëm, Policia e Kosovës, me qëllim të luftimit të kontrabandës ka filluar operacione bastisjeje në disa lokacione të ndryshme në Prishtinë, Pejë e Mitrovicë (si në jug ashtu edhe në veri).
Këto veprime policore janë paraprirë nga hetimet intensive dhe janë me urdhër e të bashkërenduara me prokuroritë dhe gjykatat kompetente. Janë sekuestruar mallra e dëshmi të tjera që paraqesin edhe prova materiale.
Krimi dhe grupet kriminale nuk do të tolerohen dhe do të luftohen. Kontrabandën do ta luftojmë e do ta parandalojmë.
Aksioni i sotëm policor ka përfunduar. U bëj thirrje qytetarëve në komunën veriore të Mitrovicës që të mos bien pre e disa medieve në Serbi që e mbrojnë krimin, korrupsionin dhe kontrabandën dhe duan ta politizojnë dhe etnizojnë atë./arbresh.info/

Policia me aksion në disa qytete të Kosovës për kontrabandim të mallrave